ایران کے اسپیکر پارلیمنٹ کا بغداد میں عراقی وزیراعظم سے ملاقات

ایرانی پارلیمنٹ کے اسپیکر محمد باقر قالیباف نے بدھ کے روز بغداد میں عراقی وزیراعظم سے ملاقات کی جس میں دوطرفہ تعلقات اور علاقائی امور پر تبادلہ خیال کیا گیا۔ ملاقات کے دوران دونوں فریقوں نے دوطرفہ تعلقات، خطے کی حالیہ پیش رفت اور باہمی دلچسپی کے امور پر اپنے خیالات کا اظہار کیا۔

اس سے قبل بدھ کے روز ہی قالیباف نے عراقی اسپیکر حائب الحلبوسی اور صدر نزار محمد سعید عمدی سے بھی ملاقات کی تھی۔ ایرانی وفد بدھ کی صبح بغداد پہنچا تھا جہاں دوطرفہ تعلقات، سرحدی سلامتی، انسداد دہشت گردی اور اقتصادی تعاون پر بات چیت کی گئی۔

بغداد انٹرنیشنل ایئرپورٹ پر قالیباف کا استقبال پہلے ڈپٹی اسپیکر اور دیگر اعلیٰ عراقی حکام نے کیا۔ یہ دورہ عراق کے اسپیکر پارلیمنٹ کی دعوت پر کیا جا رہا ہے۔

ایرانی وفد میں محمد تقی نقدعلی، سربراہ ایران عراق پارلیمانی دوستی گروپ، مہدی فلاح، شاہین جہانگیری اور سارہ فلاحی شامل ہیں۔ یہ خبر اپ ڈیٹ ہو رہی ہے۔

مہر نیوز کے مطابق، اس دورے کا مقصد پارلیمانی تعلقات کو مضبوط بنانا اور دونوں پڑوسی ممالک کے درمیان باہمی دلچسپی کے اہم امور پر توجہ دینا ہے۔